"AirCar" uçan avtomobili dünyada ilk şəhərlərarası uçuşu həyata keçirib
Avropada yeni növ avtomobilin prototipinin qısa, lakin təsirli səyahəti baş tutub. Model-transformer "AirCar" ümumi istifadə edilən yollarda hərəkət etməyə və havada uçmağa qadirdir. O, bir şəhərdən digərinə ilk uçuşunu həyata keçirib.
3dnews.ru xəbər verir ki, "Klein Vision" adlandırılan avtomobilin prototipinin sükan arxasında onun yaradıcısı Stefan Klein əyləşib. O, beynəlxalq hava limanından 35 dəqiqə sonra Bratislava hava limanına müvəffəqiyyətlə eniş edib, sonra isə şəhər mərkəzinə gedib.
S.Klein artıq 20 ildir ki, uçan avtomobilin hazırlanması üzərində işləyir. Onun modeli indiyədək 140-dan çox sınaq uçuşu edib. Sürücü bir düymənin basılması ilə 135 saniyə ərzində qanadları və modelin ikimotorlu quyruğunu açmağa nail olur. Onun sürəti 190 km/saat, uçuşun hündürlüyü təxminən 2500 metr təşkil edir.
Bundan başqa, prototip elektrik mühərriklərindən deyil, benzindən istifadə edir.
"AirCar" sürücülərinə pilot lisenziyası ilə yanaşı, həm də adi sürücülük vəsiqəsi lazım olacaq.
© Bütün hüquqlar qorunur. Xəbərlərdən istifadə edərkən www.ameaytp.az saytına istinad zəruridir.