Amerikalı milyarder İlon Maskın təsisçisi olduğu “SpaceX” aviakosmik şirkəti Texas kosmodromunda “Starship” ikimərhələli, təkrar istifadə edilə bilən daşıyıcı gəmisinin yığılması işini tamamlayıb.

rg.ru saytı xəbər verir ki, bu barədə “Nasaspaceflight” portalı məlumat yayıb.

Bildirilir ki, kompleksin ümumi hündürlüyü 120 metrdir. Start meydançası ilə birlikdə isə 145 metrə çatır. Müqayisə üçün bildirək ki, Misirdəki Xeops ehramının hündürlüyü 136 metrə bərabərdir.

Raketin son versiyası Meksika körfəzi üzərində orbital uçuş zamanı sınaqdan keçiriləcək. Sınağın keçirilmə tarixi hələ ki, məlum deyil.